Personeli Akademik
Departamenti i Gjuhëve dhe Letërsisë
PhD. Vasilki Apostolouda
Biografia:
Vasiliki Apostolouda mban një diplomë Bachelor në Gjuhë dhe Letërsi Greke (Dega e Gjuhësisë) dhe një diplomë Master i Shkencave në Gjuhësi të Aplikuar nga Fakulteti i Filologjisë, Universiteti Aristotel i Selanikut (Aristotle University of Selanik ). Ajo ka përfunduar studimet Doktorale në Departamentin e Gjuhësisë Teorike dhe të Aplikuar nga Fakulteti i Filologjisë, Universiteti Aristotel i Selanikut (Aristotle University of Selanik ). Interesat e saj kryesore kërkimore shtrihen në fushat e morfo-fonologjisë dhe të përvetësimit të gjuhës së parë/së dytë.
Një pjesë e veprimtarisë së saj kërkimore është paraqitur në konferenca dhe seminare ndërkombëtare (OCP, MFM etj.), ndërsa në të kaluarën ajo ka marrë pjesë si hulumtuese shkencore në projektin “Arsimimi i studentëve të huaj dhe të riatdhesuar (Education of Foreign and Repatriated Students)” në Fakultetin e Filologjisë, Universiteti Aristotel i Selanikut.
Ka përvojë të gjerë mësimdhënieje në arsimin e lartë dhe ka punuar si Lektore në fushën e Gjuhësisë në Departamentin e Gjuhës dhe Terapisë së Folur të Kolegjit Mesdhetar/ Department of Speech Language and Therapy of Mediterranean College (në bashkëpunim me Universitetin Metropolitan të Mançesterit/ Manchester Metropolitan University). Paralelisht, ajo është duke kryer hulumtime Postdoktorale, financuar nga Fondacioni Shtetëror i Bursave, në Universitetin Aristotel të Selanikut. Aktualisht, ajo është Lektore në Departamentin e Gjuhëve të Huaja dhe Letërsisë pranë Kolegjit Universitar LOGOS.
Email:
vasiliki.apostolouda@kulogos.edu.al
Shkarko CV
Prof. Dr. Anna Anastasiadi-Symeonides
Biografia:
Anna Anastassiadis-Symeonidis është Profesororeshë Emeritus e Gjuhësisë në Departamentin e Filologjisë, Seksioni i Gjuhësisë pranë Universitetit Aristoteli të Selanikut (Department of Philology, Linguistics Section at Aristotle University of Selanik ). Në 1974 ajo përfundoi studimet M.A nga Paris III University, ndërsa që nga 1985 ajo mban Doktoratë Ph.D. në Universitetin e Athinës. Ka vijuar në studime Pasuniversitare në Universitete të ndryshme Franceze në Gjuhësinë Teorike dhe të Zbatuar (A. Martinet, G. Moignet, D. Van de Velde - R. Galisson, Ν. Catach, M. Callamand), të tilla si Leksikologji (B. Quemada, R.-L. Wagner,), Leksikografi (B. Quemada, BT Atkins, M. Glatigny, P. Corbin), Gjuhësi Kompjuterike (Computational linguistics) (M. Gross, N. Calzolari, L. Kartunnen) dhe Morfologjia (D. Corbin , K. Koskenniemi).
Nga viti 1991 deri në vitin 2012 ajo ka qenë koordinatore e projekteve ERASMUS me 7 universitete të tjera evropiane; nga 1998 deri në 2005 ajo ka qenë anëtare e Senatit të Universitetit Aristoteli të Selanikut; nga 2009 deri në 2011 një anëtare e bordit të Agjencisë Greke të Sigurimit të Cilësisë së Arsimit të Lartë (Hellenic Quality Assurance Agency of Higher Education). Fushat e saj të studimit lidhen me studimin e leksikut dhe fjalorit grek, hartimin e fjalorëve të shtypur dhe elektronikë, neologjizmat, huazimet, fjalëformimet, njësitë shumëfjalëshe, terminologjitë, drejtshkrimin etj.
Ajo ka udhëhequr formën dhe strukturën e Fjalorit të Greqishtes së Re (1998, Instituti i Studimeve Moderne Greke të Universitetit Aristotel të Selanikut - Fondacioni Manolis Triantafyllidis) ku ishte kryeredaktore gjatë viteve 1976 - 1980. Ka botuar 4 libra dhe mbi 170 artikuj në revista greke dhe ndërkombëtare, vëllime kolektive dhe punime konferencash.
Email: anna.anastasiadi-symeonides@kulogos.edu.al
Prof. Asoc. Dr. Marsela Harizaj
Biografia:
Marsela Harizaj është Pedagoge e gjuhës Angleze në Kolegjin Universitar "LOGOS", Fakulteti i Shkencave Humane dhe Komunikimit Gjuhësor, Tiranë nga Marsi i 2019. Prej Tetor 2009 deri Mars 2019, ka qene pedagoge e gjuhës Angleze pranë Departamentit të Gjuhëve të Huaja ne Universitetin "Ismail Qemali", Vlorë.
Ajo është e specializuar në mësimdhënien dhe didaktikën e gjuhës angleze. Në vitin 1999, përfundoi studimet e diplomimit në Universitetin e Vlorës /Dega Gjuhë Angleze. 2006-2013, ndoqi studimet pasuniversitare (Master Shkencor/Dr. Doktoraturë) në Gjuhësi/Didaktikë e Gjuhës Angleze në Universitetin e Tiranës/Fakulteti i Gjuhëve të Huaja.
Në vitin 2006 Fiton titullin akademik: “ Profesor i Asociuar”, pranë Universitetit të Tiranës, Fakulteti i Gjuhëve të Huaja, Shqipëri. Fushat e studimit dhe hulumtimit përfshijnë metodologjinë dhe didaktikën e gjuhës angleze. Ajo ka marrë pjesë në shumë, konferenca kombëtare dhe ndërkombëtare, seminare, trajnime mbi Mësimdhënien e Gjuhës së Huaj dhe ka botuar artikuj të ndryshëm në këtë fushë kërkimore në Shqipëri dhe jashtë vendit.
Email: marsela.harizaj@kulogos.edu.al
PhD. Nikolaos Mathioudakis
Biografia:
Nikos Mathioudakis është stilo-linguist dhe merret kryesisht me çështje të stilit dhe gjuhës në letërsi. Ai merr pjesë në konferenca të shumta shkencore me interes letrar dhe gjuhësor dhe, më të gjerë, filologjik, duke dëshiruar të promovojë shkencën e gjuhës dhe letërsisë.
Hulumtimi i tij i mëparshëm si dhe ai i ardhshëm përqendrohen në qasjet gjuhësore dhe stilistike ndaj veprave letrare të shkrimtarëve të rëndësishëm grekë modernë, kryesisht në fjalorin e tyre idiosinkratik dhe stilin e tyre të veçantë të shkrimit. Në një nivel kërkimor, ai eksperimenton me metoda gjuhësore nëpërmjet teknologjive të reja për qasjen e veprave letrare, kryesisht merret me stilometrikën dhe stilistikën e korpusit.
Ai është lektor në Programin Pasuniversitar në Universitetin e Hapur Helenik dhe në Departamentin e Gjuhës dhe Civilizimit Grek në Kolegjin Universitar “LOGOS” në Tiranë, i cili është nën kujdesin e Kryepiskopit të Tiranës, Durrësit dhe gjithë Shqipërisë, Anastasit. Ai ka bashkëpunuar gjithashtu me Departamentin e Filologjisë Greke dhe Departamentin e Arsimit Fillor të Universitetit “Democritus” të Thrakës.
Për më tepër, ai jep seminare që rrotullohen rreth gjuhës dhe letërsisë, në mënyrë që t’i sjellë veçanërisht studentët e shkollës dhe të universitetit në kontakt me shkencën e filologjisë, për t’i nxitur të lexojnë dhe studiojnë me një “vision të ri” shkrimtarët klasikë dhe modernë grekë dhe të huaj. Ai ka bashkëpunuar me Departamente dhe Fakultete greke dhe të huaja arsimore, me Shkollën e Dramës së Teatrit të Artit Grek “Karolos Koun”, me Fondacionin “Laskaridis”, me Fondacionin Kulturor të “Piraeus Bank Group” dhe të tjera.
Në fund, ai është përfshirë në transkriptimin, redaktimin, dokumentimin dhe botimin e materialit arkivor, siç janë dorëshkrimet e pabotuara, letrat, shënimet, etj. dhe ka ndërmarrë redaktimin shkencor dhe stilistik të teksteve në bashkëpunim me shtëpi të ndryshme botuese (si p.sh. Botimet “Kazantzakis”, Botimet “Kastaniotis”, Shtëpia Botuese “Kapa”).
Ai gjithashtu ka punuar edhe si bashkëpunëtor shkencor me organizata dhe kompani të ndryshme (të tilla si “COSMOTE TV”, Televizioni Publik “ERT”, Muzeu “Benaki”, Salla e Koncerteve në Athinë, Fondacioni “Hellenic World”, galeritë e artit publik dhe privat etj.) për dokumentarë, shfaqje televizive, ekspozita tematike, shfaqje teatrale, ekspozita pikture.
Email: nikolaos.mathioudakis@kulogos.edu.al
MSc. Anxhela Laska
Biografia:
MSc Anxhela Laska aktualisht është Ass/Lektore e gjuhës greke pranë Departamentit të Gjuhës dhe Civilizimit Grek, Fakulteti i Shkencave Humane dhe Komunikimit Gjuhësor, Kolegji Universitar ̎Logos ̎ dhe bashkëpunëtore e jashtme në Qendrën e Gjuhës Greke.
Ajo mban një diplomë B.Sc në Gjuhë, letërsi dhe qytetërim grek nga Fakulteti i Gjuhëve të Huaja, Universiteti i Tiranës (2018) dhe M.Sc në Mësuesi në Gjuhën greke për arsimin e mesëm të lartë, në Departamentin e Gjuhës Greke në Fakulteti i Gjuhëve të Huaja, Universiteti i Tiranës (2022). Ka kryer disa trajnime dhe ka disa certifikata mbi metodat moderne dhe mësim nxënien efektive.
Në fushën e mësimdhënies dhe përkthimit ajo ka bashkëpunuar me kolegjin Greko-Shqiptar ̎Arsakeio e Tiranës ̎, Fondacionin Grek të Kulturës. Përveç mësimdhënies, ka punuar edhe si Përkthyese, Interpretuese dhe Redaktore në gjuhën shqipe dhe greke.
Fushat e mësimdhënies se saj përfshin leksikologjinë, morfologjinë, didaktikën, shkrimin akademik, përkthimin. Gjithashtu ka përgatitur nxënës për certifikimin e gjuhës greke dhe student për provimin e natyralizimit.
Email:
anxhela.laska@kulogos.edu.al
Shkarko CV
Msc. Elona Zirek (Qyra)
Biografia:
Msc. Elona Zirek (Qyra) është që prej Tetor 2021 Ass/Lektore e gjuhës angleze pranë Departamentit të Gjuhës dhe Civilizimit Grek, Fakulteti i Shkencave Humane dhe Komunikimit Gjuhësor, Kolegji Universitar "Logos" dhe bashkëpunëtore e jashtme në Fakultetin e Shkencave Kompjuterike dhe Arkitekturës, në Universitetin e New York, Tiranë.
Përfundoi studimet universitare në fushën e Mësimdhënies së Gjuhës dhe Letërsisë Angleze në Fakultetin e Gjuhëve të Huaja, Universiteti i Tiranës në periudhën 2000-2004 dhe kreu studimet master në fushën e Studimeve Kulturore Britanike dhe Amerikane në Universitetin Otto-Friedrich, Bamberg në Gjermani në periudhën 2009-2011. Që nga viti 2005 dhe në vazhdim ka dhënë mësim në universitete të ndryshme si Universiteti i Tiranës, Universiteti “Aleksandër Moisiu” Durrës dhe Universiteti i New York, Tiranë si dhe në institucione të tjera të arsimit parauniversitar brenda dhe jashtë vendit. Fokusi i mësimdhënies së saj ka qenë kryesisht mësimdhënia e gjuhës angleze për të huajt, gjuha angleze për qëllime të veçanta (mjekësi, agrobiznes dhe shkenca kompjuterike), shkrim akademik dhe ligjërim publik.
Gjithashtu, ka punuar si përkthyese dhe interprete për organizata të ndryshme ndërkombëtare dhe ka përgatitur nxënësit e shkollave të mesme dhe studentët universitarë për të kryer teste standarte ndërkombëtare si APTIS, IELTS, TOEFL dhe SAT, si dhe është me përvojë në këshillim akademik.
Email: elona.qyra@kulogos.edu.al
MSc. Lina Basoukou
Biografia:
Lina (Angeliki) Basoukou mban një diplomë Bachelor në Arkeologji dhe Histori të Artit nga Universiteti Kombëtar dhe Kapodistrian të Athinës, Fakulteti Filozofik, Diplomë në fushën e Dramës nga “Athens Drama School-G. Theodossiadis” dhe një Diplomë e të kënduar klasik (konservatori Panarmonion, Athinë).
Në vitin 2012 ajo përfundoi Masterin Master në Departamentin e Arsimit Fillor në Universitetin Kombëtar dhe Kapodistrian të Athinës Seksioni i Studimeve Humanitare, në fushën "Teatri dhe Edukimi".
Ajo është e angazhuar në sektorin publik të Arsimit në Greqi si mësuese e letërsisë, ndërsa nga 2014 në 2019 ajo ka qenë bashkëpunëtore me Universitetin Eötvös Loránd, Fakulteti i Shkencave Humane, Departamenti i Studimeve Greke Moderne (ELTE BTK Görög Tanszék, Újgörög Munkacsoport) në Budapest (Hungari). Aktualisht ajo është pjesë e Departamentit të Gjuhës dhe Civilizimit Grek në Kolegjin Universitar "Logos".
Fushat e saj të interesit lidhen me pedagogjinë e teatrit, historinë e teatrit, pritjen e dramës greke antike, analizën dramatike të tekstit, duke prezantuar mjaft punime në revista dhe vëllime kolektive e konferenca shkencore ndërkombëtare. Ka ka botuar dy përmbledhje poetike me pseudonimin "Αngeliki Zervantonaki".
Email: lina.basoukou@kulogos.edu.al