DREJTUESI I DEPARTAMENTIT TË INFORMATIKËS SË ZBATUAR

Dr. Esmeralda Kadëna

Biografia:

Esmeralda Kadëna është përgjegjëse e Departamentit të Informatikës së Zbatuar dhe Statistikës, në Fakultetin e Shekncave të Aplikuara në Kolegjin Universitar “Logos” në Tiranë, ku punon si pedagoge dhe drejton kërkimin shkencor.

Në vitin 2022 ka mbaruar, studimet e doktoraturës (Ph.D.) me nderimet më të mëdha (summa cum laude) pranë Shkollës Doktorale të Shkencave të Mbrojtjes dhe Sigurisë në Universitetin e Obudës, në Hungari falë bursës Hungareze të fituar në vitin 2017, specifikisht në fushën e sigurisë në IT. Studimet e mëparshme i ka mbaruar përkatësisht në vitet 2014 (Bachelor) dhe 2016 (Master Shkencor) në Informatikë Ekonomike pranë Universitetit Europian të Tiranës.

Në vitin 2017 deri 2018 ka punuar si këshilluese ndërkombëtare studentore pranë Departamentit Ndërkombëtar në Universitetin e Obudës. Prej vitit 2019 deri 2022 ka punuar si pedagoge e jashtme në Fakultetin e Biznesit dhe Menaxhimit, Departamenti i Teknologjisë së Informacionit në Universitetin e Obudës. Njëkohësisht në vitin 2021 punësohet po nga i njëjti Universitet edhe si pedagoge e brendshme pranë Fakultetit të Inxhinierisë Mekanike dhe Sigurisë. Fusha e ekspertizës mësimore përfshin Programimin në C++, Analizën e të dhënave, Bazat e të dhënave, Konceptet e Shkencave Kompjuterike, Sigurinë Kibernetike, Politikat e Inovacionit dhe Zhvillimit, Metodat dhe Teoritë e Vendimmarrjes në fushën e IT.

Gjithashtu prej vitit 2019 punon si kërkuese shkencore në projekte të ndryshme në lidhje me kontejnerët e të dhënave, dixhitalizimin, robotikë, dhe sigurinë kibernetike në Shkollën Doktorale prej të cilës u diplumua. Prej 2021 deri 2022 ka kontribuar si Ambasadore e Shqipërisë për kërkuesit shkencorë Shqiptarë në Hungari. Gjatë këtyre viteve në jetën akademike, Esmeralda Kadëna, ka shkruar dhe publikuar disa artikuj në konferenca dhe revista shkencore të mirënjohura ndërkombëtare. Evidencë e cila reflektohet në:

MTMT (Biblioteka e punimeve shkencore në Hungari): https://m2.mtmt.hu/gui2/?type=authors&mode=browse&sel=10060990
Google Scholar: https://scholar.google.com/citations?user=sXoo8y8AAAAJ&hl=en
ResearchGate: https://www.researchgate.net/profile/Esmeralda-Kadena

Kontakt: emeralda.kadena@kulogos.edu.al